SEAGULL / DOLPHIN SURFკომპაქტური ელექტრო ქალაქის მანქანა$13,900-დან
DOLPHINმოქნილი და მრავალმხრივი ელექტრო ჰეჩბექი$18,900-დან
YUAN UP / ATTO 2ელექტრო კომპაქტური SUV$18,900-დან
SONG PLUS / SEAL Uფართო, კომფორტული და პრაქტიკული SUV$24,300-დან
BYD ATTO 3ექსპრესიული და დინამიური C-SUV
BYD ATTO 3 EVOელექტრო SUV 510 კმ გარბენით
SEA LION 7მაღალი წარმადობის ელექტრული SUV$26,500-დან
BYD SEALდინამიური და ინტელექტუალური
BYD HANდახვეწილი და სპორტული სედანი$29,900-დან
BYD TANG7-ადგილიანი სრულად ელექტრული SUV
SONG Lსაშუალო ზომის კუპე SUV
QINელექტრო სედანი$21,800-დან
LEOPARD 3ოფროუდ SUV$22,500-დან
LEOPARD 5ჰიბრიდული ოფროუდ SUV
BYD T4სრულად ელექტრული მსუბუქი სატვირთო
BYD T5 DMჰიბრიდული მსუბუქი სატვირთო$34,000-დან 
მაღალი წარმადობის ელექტრული SUV
23,000ბრ/წთ
ძრავის ბრუნვა215კმ/სთ
მაქსიმალური სიჩქარე91.3კვტ.სთ
ბატარეის ტევადობაფასი
$26,500-დან
მაღალი წარმადობის ელექტრული SUV
ექსტერიერი
BYD-ის გლობალური დიზაინის დირექტორის, ვოლფგანგ ეგერის ხელწერით შექმნილი BYD SEALION 7 უბრალოდ SUV არაა — ეს ცხოვრების სტილის განაცხადია. ოკეანით შთაგონებული ესთეტიკა და უახლესი ინოვაციები აქ ერთ მთლიან სახეს ქმნის. ეს SUV მათთვისაა, ვინც ცხოვრობს სრულ დატენვაზე.
ექსტერიერი
დახვეწილი, მოედინე ხაზები და აეროდინამიკური სილუეტი BYD SEALION 7-ს სპორტულ, ფუტურისტულ იერს ანიჭებს — ავტომობილს, რომელიც ყველგან იპყრობს ყურადღებას. გაზრდილი ბაზა არა მხოლოდ ხაზს უსვამს მის დინამიკურ ხასიათს, არამედ ფართო და კომფორტულ სალონსაც ქმნის: სტილი და პრაქტიკულობა ერთდროულად.
უკან კი მთელ სიგანეზე გაშლილი LED ფარები დომინირებს — ამ კომპაქტური ელექტრომობილის კიდევ ერთი გამორჩეული დეტალი.
BYD SEALION 7-ის გამორჩეული „OCEAN X“ წინა ნაწილი მძლავრ X-ფორმის სტრუქტურაზეა აგებული და ავტომობილს თავდაჯერებულ იერს სძენს. დაბალი კაპოტი, დინამიკური fastback სილუეტი და ორმაგი გვერდითი ხაზი ოკეანის ტალღების ენერგიას იმეორებს — შედეგად სილუეტი, რომელშიც ელეგანტურობა და სიმძლავრე ერთმანეთს ხვდება.
BYD SEALION 7-ის ფუტურისტული უკანა ფარები დახვეწილ ხაზოვან სანათებს წყლის წვეთის ფორმის წერტილებთან აერთიანებს და მოძრაობისა და ენერგიის შეგრძნებას ქმნის. ეს დეტალები დიდი სიჩქარით მოქროლავ წვეთებს მოგაგონებთ და ელექტრულ SUV-ს გზაზე გამორჩეულ, თანამედროვე იერს ანიჭებს.
ელექტრული საბარგულის კარი ფეხის ერთი მოძრაობით იღება — BYD SEALION 7-თან ტვირთის ჩალაგება და გადმოტანა უმარტივესია. ხელში საყიდლების ჩანთები გიჭირავთ, სპორტული ინვენტარი თუ შაბათ-კვირის ბარგი, ეს ფუნქცია მთავარზე ფიქრის საშუალებას გაძლევთ. ჭკვიანი, ჩაჭედვისგან დამცავი სისტემა და გახსნის სიმაღლის ინდივიდუალური რეგულირება უსაფრთხოებასაც ზრდის და კომფორტსაც — ყოველი დღე ცოტათი მარტივდება.
სალონი
იალქნიანი რეგატის დინამიკითა და სისწრაფით შთაგონებული BYD SEALION 7-ის სალონი მოძრაობის, სიმსუბუქისა და სივრცის განცდას აღვიძებს. დიზაინი ქმნის ერთიან, მომნუსხველ ატმოსფეროს, სადაც ყოველი ელემენტი თითქოს ტალღების რიტმში მიცურავს.
ინდივიდუალური კომფორტი ყოველ მგზავრობაზე: სამსახურში ყოველდღიური გზა იქნება თუ შაბათ-კვირის თავგადასავალი, BYD SEALION 7 ყველა მგზავრს კომფორტს უნარჩუნებს. წინა სავარძლები ვენტილაციითა და გათბობით, უკანა სავარძლების გათბობა, მძღოლის სავარძლის წელისა და ფეხის ელექტრული საყრდენები — იდეალური პოზიცია ყოველთვის მოიძებნება. 50 ვტ-იანი უსადენო დამტენი კი თქვენს მოწყობილობებს მუდამ დამუხტულს ინახავს.
შეუდარებელი კომფორტი: ჩაეფლეთ სტეგნილი Nappa ტყავის პრემიუმ სავარძლებში, რომლებიც ზუსტად თქვენს კომფორტზეა გათვლილი. გარშემო — რბილი ვეგანური ტყავი, რომელიც სალონის 80%-ზე მეტს ფარავს და ყოველ შეხებას განსაკუთრებულს ხდის.
სივრცე თქვენი ცხოვრებისთვის: 58 ლიტრი წინა და 520 ლიტრი უკანა საბარგულში, უკანა სავარძლების დაკეცვით კი 1 789 ლიტრამდე — BYD SEALION 7 ნებისმიერი თავგადასავლისთვისაა მზად. თვალსაჩინოდ: უკანა საბარგული თავისუფლად იტევს 1 დიდ, 28 დიუმიან ჩემოდანს, 1 საშუალო, 24 დიუმიანს და 4 ხელბარგის, 20 დიუმიან ჩემოდანს — იდეალურია ოჯახური მოგზაურობისთვის თუ შაბათ-კვირის გასვლისთვის.
სალონი
15.6” მბრუნავი სენსორული ეკრანი თქვენს რიტმს ერგება. დატვირთულ ქალაქში მიდიხართ ნავიგაციით თუ საყვარელ პლეილისტს უსმენთ — ყოველთვის ხართ კავშირზე და სრულ კონტროლში.
შექმენით იდეალური განწყობა სალონში 128-ფერიანი ატმოსფერული განათებით. დამღლელი დღის შემდეგ სიმშვიდე გჭირდებათ თუ ენერგიული ატმოსფერო დილის გზაზე — BYD SEALION 7 ყოველ განწყობას ერგება.
12 Dynaudio-ს დინამიკის მდიდარი, მაღალი სიზუსტის ხმა ყოველ მგზავრობას პირად კონცერტად აქცევს. გზა უბრალო გადაადგილება აღარაა — ეს სრულფასოვანი გამოცდილებაა.
BYD SEALION 7-ის პროექციული დისპლეი (HUD) მართვის მთავარ მონაცემებს პირდაპირ საქარე მინაზე გამოსახავს და ყოველ გზას მარტივსა და უსაფრთხოს ხდის. თვალი გზაზე გრჩებათ, ხელები — საჭეზე, ყურადღება კი არაფერს ეფანტება. სიჩქარე, ნავიგაცია თუ გაფრთხილებები — HUD ყველა საჭირო ინფორმაციას მკაფიოდ და შეუმჩნევლად გაწვდით, რაც მართვას უფრო კომფორტულს, ხოლო თქვენს უსაფრთხოებას — უპირობო პრიორიტეტად აქცევს.
BYD SEALION 7-ის პანორამული ჭერი სალონს ბუნებრივი შუქით ავსებს და სივრცისა და თავისუფლების განცდას უჩენს ყველა მგზავრს. წინა სავარძელზე ხართ თუ უკან, ვრცელი შუშის ჭერი გარემოს სილამაზეს პირდაპირ სალონში შემოგიტანთ და ყოველ გზას თავგადასავლად აქცევს — განსაკუთრებით პატარა მგზავრებისთვის, რომლებსაც სამყაროს აღმოჩენა უყვართ. მზის ყველაზე კაშკაშა საათებში კი ელექტრული შტორა ერთი შეხებით ქმნის ჩრდილსა და კომფორტს — ხედით ტკბობა არაფერს ეწირება.
BYD SEALION 7-ის სალონი ინჟინრულად ისეა დამუშავებული, რომ ხმაური, ვიბრაცია და რხევა მაქსიმალურად ჩაახშოს. შედეგი — სიჩუმე და სიმშვიდე, რომელიც საშუალებას გაძლევთ, მთავარზე გაამახვილოთ ყურადღება.
დინამიკა
შეიგრძენი მაღალი დინამიკის ემოცია — BYD SEALION 7-ის ელექტროძრავა წუთში 23 000 ბრუნს ავითარებს. AWD ვერსია 0-100 კმ/სთ-მდე მხოლოდ 4.5 წამში აჩქარდება, მაქსიმალური სიჩქარე კი 215 კმ/სთ-ია. ძალის, სიჩქარისა და სიზუსტის ეს ერთობლიობა BYD SEALION 7-ს კლასის საუკეთესო SUV-ებს შორის აყენებს.
BYD-ის ტექნოლოგიები
BYD SEALION 7 უახლესი iTAC ტექნოლოგიით სტანდარტს კიდევ უფრო მაღლა სწევს. iTAC-ის წყალობით ავტომობილის მდგრადობის აღდგენა აღარ ეყრდნობა სიმძლავრის უბრალო შემცირების ტრადიციულ მეთოდს — სისტემა ინტელექტუალურად ანაწილებს ბრუნვის მომენტს: გადააქვს ღერძებს შორის, დოზირებულად ამცირებს ან უარყოფით მომენტსაც კი მიაწვდის. ასე ბორბლების სრიალი მინიმუმამდე დადის ან სრულიად ქრება, ავტომობილი კი მთელ სიმძლავრეს ავლენს. შედეგი — მაღალი უსაფრთხოება და მართვის კომფორტი, გლუვი და თავდაჯერებული სვლა.
BYD SEALION 7-ს წინ ორბერკეტიანი (double-wishbone), უკან კი მრავალბერკეტიანი სავალი ნაწილი და FSD (სიხშირეზე დამოკიდებული დემპფირების) ამორტიზატორები აქვს. სისტემა რეალურ დროში ეგუება გზის მდგომარეობას და გლუვ, სტაბილურ სვლას გთავაზობთ. უსწორმასწორო გზაზეც და მკვეთრ მოხვევებშიც კორპუსის გადახრა მინიმალურია, მდგრადობა კი მაქსიმალური — კომფორტი და კონტროლი მთელი მგზავრობის განმავლობაში. AWD ვერსიაში iTAC ტექნოლოგია კონტროლს კიდევ უფრო აძლიერებს და თავდაჯერებულ, ზუსტ მართვას იძლევა.
BYD-ის უახლესი ADAS (მართვის დამხმარე სისტემები) და 360° პანორამული კამერები ამ ელექტრო SUV-ის მართვას სტრესისგან ათავისუფლებს. დატვირთულ ქალაქურ ქუჩებზეც და ღია ტრასაზეც სისტემა განუწყვეტლივ აკვირდება გარემოს, ეგუება ცვალებად პირობებს და მაშინ გეხმარებათ, როცა ეს ყველაზე მეტად გჭირდებათ. BYD SEALION 7 პოტენციურ საფრთხეს ადრევე ამჩნევს და მგზავრობას მაქსიმალურად უსაფრთხოსა და მშვიდს ხდის — თქვენ კი მხოლოდ გზით ტკბობა გრჩებათ.
BYD SEALION 7-ის ინტელექტუალური სალონი უახლეს ჩიპსეტზეა აგებული და გზაშიც მუდმივ კავშირს გინარჩუნებთ. ოთხზონიანი ხმოვანი მართვიდან Android Auto-სა და Apple CarPlay-ის უწყვეტ ინტეგრაციამდე — ყველაფერი იმისთვისაა შექმნილი, რომ ნებისმიერ მოწყობილობასთან უპრობლემოდ დარჩეთ დაკავშირებული. ნავიგაცია, აპლიკაციები და მედია ყოველთვის ხელთაა, OTA (Over The Air) განახლებები კი ზრუნავს, რომ თქვენს პრემიუმ SUV-ს მუდამ უახლესი პროგრამული უზრუნველყოფა ჰქონდეს. ხმოვანი მართვის ჭკვიანური სისტემა ავტომობილთან ურთიერთობას უმარტივესს ხდის — თქვენ კი გზაზე რჩებით ფოკუსირებული.
დაივიწყეთ ჩვეულებრივი გასაღები — BYD SEALION 7 NFC ბარათით ან BYD-ის აპლიკაციით იღება. ერთი შეხება და ავტომობილი თქვენია; წვდომა ოჯახის წევრსაც შეგიძლიათ გაუზიაროთ მაშინაც კი, როცა ახლოს არ ხართ. დისტანციური კონდიცირებით სალონს სმარტფონიდანვე მოამზადებთ და შიგნით უკვე სასურველი ტემპერატურა დაგხვდებათ. დატენვის დროც წინასწარ დაგეგმეთ, რომ SEALION 7 მაშინ იყოს მზად, როცა თქვენ. სრული კონტროლი — ხელისგულზე, სადაც არ უნდა წაგიყვანოთ ცხოვრებამ.
230 კვტ-მდე სიმძლავრის სწრაფი DC დატენვით BYD SEALION 7 (Excellence AWD) 10%-დან 80%-მდე სულ რაღაც 24 წუთში ივსება. დატვირთული გრაფიკის დროს ეს ნიშნავს ნაკლებ ლოდინს და მეტ დროს იმისთვის, რაც მართლა მნიშვნელოვანია.
BYD SEALION 7-ის V2L (Vehicle-to-Load) ფუნქცია თქვენს თავგადასავლებს ენერგიით კვებავს. კემპინგზე, დასვენებისას თუ გაუთვალისწინებელ სიტუაციაში ავტომობილი დენით ამარაგებს თქვენს მოწყობილობებსა და ტექნიკას. ასე ყოველთვის მზად ხართ, გაჯეტები კი — დატენილი: BYD SEALION 7 საიმედო ელექტროსადგურად იქცევა, სადაც არ უნდა წახვიდეთ.
კომპლექტაციები
სპეციფიკაციები შესაძლოა განსხვავდებოდეს კონკრეტული კომპლექტაციის მიხედვით.
ორი ველი — სახელი და ნომერი. დანარჩენს ჩვენ მოვაგვარებთ: დაგირეკავთ და შევათანხმებთ დროს.
