BYD Ayvens-თან ევროპულ სალიზინგო პარტნიორობას შვიდ ახალ ქვეყანაზე აფართოებს

· გაფართოების შედეგად შეთანხმება უკვე ევროპის 11 ბაზარს მოიცავს

· ავტოპარკის გადაწყვეტები კორპორატიული კლიენტების, მცირე და საშუალო ბიზნესისა და კერძო პირებისთვის

· სრული მომსახურების ლიზინგი BYD-ის დილერული ქსელის მეშვეობით იქნება ხელმისაწვდომი

BYD, ახალი ენერგიის ავტომობილების მსოფლიო წამყვანი მწარმოებელი, სალიზინგო კომპანია Ayvens-თან არსებულ პარტნიორობას ევროპის კიდევ შვიდ ქვეყანაზე აფართოებს.

პარტნიორობის გაფართოება, რომლის ფარგლებშიც Ayvens თავის საერთაშორისო და ადგილობრივ კორპორატიულ კლიენტებს ავტოპარკის ინდივიდუალურ გადაწყვეტებს სთავაზობს, ხოლო მცირე და საშუალო ბიზნესსა (SME) და კერძო პირებს — მათზე მორგებულ ოპერაციული ლიზინგის „white label“ სერვისებს, საბერძნეთს, უნგრეთს, პორტუგალიას, ფინეთს, ირლანდიას, რუმინეთსა და შვედეთს მოიცავს.

ახალი შეთანხმებები ორი კომპანიის მიერ 2024 წელს ხელმოწერილ ურთიერთგაგების მემორანდუმს (MoU) მოჰყვა და BYD lease პროგრამაში მონაწილე ევროპული ბაზრების რაოდენობას 11-მდე ზრდის — ბელგიაში, საფრანგეთში, ლუქსემბურგსა და ნიდერლანდებში წარმატებული პარტნიორობის საფუძველზე. BYD და Ayvens თითოეული ბაზრის სპეციფიკურ საჭიროებებზე მორგებულ მობილობის გადაწყვეტებს შესთავაზებენ მომხმარებლებს სრული მომსახურების ლიზინგის მიმზიდველი პირობებით BYD-ის დილერული ქსელის მეშვეობით.

(მარცხნივ: Stella Li, BYD-ის აღმასრულებელი ვიცე-პრეზიდენტი; მარჯვნივ: Tim Albertsen, Ayvens-ის ჯგუფის აღმასრულებელი დირექტორი)

პარტნიორობის მიზანია ორი კომპანიის ძლიერი მხარეების გაერთიანება — BYD-ის მსოფლიოში წამყვანი უახლესი ტექნოლოგიები ახალი ენერგიის ავტომობილებში (DM დატენვადი ჰიბრიდები და სრულად ელექტრული მოდელები) და Ayvens-ის გამოცდილება სრული მომსახურების ლიზინგში. BYD lease-ით კლიენტები BYD-ის სრული მოდელური რიგისთვის ავტოპარკის გადაწყვეტებს იღებენ, რასაც საკონსულტაციო მომსახურება და დატენვის კომპლექსური გადაწყვეტები ემატება.

BYD-ის აღმასრულებელმა ვიცე-პრეზიდენტმა Stella Li-მ განაცხადა: „ძალიან გვახარებს, რომ Ayvens-თან პარტნიორობის გაფართოებით BYD lease-ის მასშტაბს ვზრდით. ევროპაში ჩვენი სტრატეგიის მნიშვნელოვანი ელემენტია ინდუსტრიის წამყვან სპეციალისტებთან პარტნიორობა და ეს ახალი შეთანხმებები საშუალებას გვაძლევს, განვავითაროთ შეთავაზება, რომელიც ოთხ ბაზარზე უკვე წარმატებულად დამკვიდრდა. მტკიცედ გვაქვს გადაწყვეტილი, ჩვენი მდგრადი ტექნოლოგიები რაც შეიძლება მეტი ადამიანისთვის გავხადოთ ხელმისაწვდომი, და მოუთმენლად ველით Ayvens-თან თანამშრომლობას, რათა კიდევ შვიდ ქვეყანაში მიმზიდველი სალიზინგო გადაწყვეტები შევთავაზოთ.“

Ayvens-ის ჯგუფის აღმასრულებელმა დირექტორმა Tim Albertsen-მა განაცხადა: „მოხარულები ვართ, რომ BYD-თან პარტნიორობას ამ შვიდ ახალ ქვეყანაზე ვაფართოებთ, რაც ევროპაში ავტომობილების სრული მომსახურების ლიზინგის სექტორში ჩვენს ლიდერობას კიდევ ერთხელ ადასტურებს. ეს ინიციატივა სრულად ასახავს ჩვენს ერთგულებას, პარტნიორებს საუკეთესო „white label“ სალიზინგო სერვისებით დავეხმაროთ და ორმხრივ ზრდასა და წარმატებას შევუწყოთ ხელი. BYD-თან ერთად ჩვენს მომავალს ოპტიმისტურად ვუყურებთ და მზად ვართ, მჭიდროდ ვითანამშრომლოთ, რათა მომავალ წლებში ბაზარზე წამყვან ელექტრომობილებსა და ბატარეის ტექნოლოგიებზე წვდომა გავაფართოოთ.“

BYD-ის შესახებ

BYD მრავალეროვნული მაღალტექნოლოგიური კომპანიაა, რომელიც ტექნოლოგიურ ინოვაციებს უკეთესი ცხოვრებისთვის იყენებს. 1994 წელს დატენვადი ბატარეების მწარმოებლად დაარსებული BYD დღეს მრავალფეროვან ბიზნეს-მიმართულებებს მოიცავს — ავტომობილებს, სარკინიგზო ტრანსპორტს, ახალ ენერგიასა და ელექტრონიკას — და 30-ზე მეტ ინდუსტრიულ პარკს ფლობს ჩინეთში, აშშ-ში, კანადაში, იაპონიაში, ბრაზილიაში, უნგრეთსა და ინდოეთში. ენერგიის მიღებიდან და შენახვიდან მის გამოყენებამდე BYD ნულოვანი ემისიის ენერგეტიკულ გადაწყვეტებს ქმნის, რომლებიც წიაღისეულ საწვავზე გლობალურ დამოკიდებულებას ამცირებს. მისი ახალი ენერგიის ავტომობილები დღეს 6 კონტინენტზე, 100-ზე მეტ ქვეყანასა და რეგიონში და 400-ზე მეტ ქალაქშია წარმოდგენილი. კომპანია ჰონგ-კონგისა და შენჯენის საფონდო ბირჟებზეა განთავსებული და Fortune Global 500-ის სიაშია, როგორც საწარმო, რომელიც უფრო მწვანე მსოფლიოსთვის ინოვაციებს ქმნის. დამატებითი ინფორმაციისთვის ეწვიეთ www.bydglobal.com.

Ayvens-ის შესახებ

Ayvens მდგრადი მობილობის სფეროში წამყვანი გლობალური კომპანიაა, რომლის მიზანია, ცხოვრება უფრო თავისუფლად წარიმართოს. ათწლეულების განმავლობაში ვაუმჯობესებთ მობილობას და მსხვილ საერთაშორისო კორპორაციებს, მცირე და საშუალო ბიზნესს, პროფესიონალებსა და კერძო პირებს სრული მომსახურების ლიზინგს, მოქნილ სააბონენტო სერვისებს, ავტოპარკის მართვასა და მულტიმობილობის გადაწყვეტებს ვთავაზობთ. 42 ქვეყანაში 14 500-ზე მეტი თანამშრომლით, 3,3 მილიონი ავტომობილითა და მსოფლიოში ყველაზე დიდი მრავალბრენდიანი ელექტრომობილების პარკით უნიკალურ პოზიციაში ვართ, რომ ნულოვანი ემისიისკენ გზა გავკვალოთ და მობილობის სექტორის ციფრულ ტრანსფორმაციას ვუძღვებოდეთ. კომპანია Euronext Paris-ის A განყოფილებაშია განთავსებული (ISIN: FR0013258662; ტიკერი: AYV). Ayvens-ის მაჟორიტარი აქციონერი Societe Generale Group-ია. დამატებითი ინფორმაცია: ayvens.com

ევროპა: Penny Peng, PressEU@byd.com ტელ.: +31-102070888