BYD თურქეთის საავტომობილო ბაზარზე ელექტრომობილების მოდელურ რიგს წარადგენს

BYD უზბეკეთის ინვესტიციების, მრეწველობისა და ვაჭრობის სამინისტროსთან საინვესტიციო შეთანხმებას აფორმებს

BYD, ახალი ენერგიის ავტომობილების (NEV) მსოფლიოში №1 მწარმოებელი, თურქეთში ელექტრომობილების ინოვაციურ მოდელურ რიგს წარადგენს. BYD-ის დილერ-პარტნიორ ALJ Turkey-სთან თანამშრომლობით იგეგმება დილერული ქსელის გაფართოება — თურქეთის ქალაქების პრესტიჟულ ლოკაციებზე სავაჭრო დარბაზების გახსნა ადგილობრივი მომსახურების უზრუნველსაყოფად.

BYD-ის ავტომობილების გაყიდვა ნოემბერში იწყება C-სეგმენტის SUV BYD ATTO 3-ით, რომელიც BYD-ის ინოვაციურ e-Platform 3.0-ზეა აგებული და თანამედროვე, დინამიკური დიზაინის ესთეტიკასა და ინტელექტუალურ მართვის გამოცდილებას 420 კმ ეფექტიან გარბენთან (WLTP) აერთიანებს. BYD ATTO 3-მა Euro NCAP-ის ტესტში 5 ვარსკვლავიც მოიპოვა.

2024 წლის პირველ კვარტალში BYD ATTO 3-ს თვალწარმტაცი BYD SEAL შეუერთდება — ტექნოლოგიებით დატვირთული შთამბეჭდავი D-სეგმენტის სედანი 8-in-1 ელექტრული ძალური სისტემით, რომელიც ორი ელექტროძრავით უკანა წამყვან ვერსიაში 230 კვტ (313 ცხ.ძ.), სრულწამყვან (AWD) ვერსიაში კი 390 კვტ (530 ცხ.ძ.) ჯამურ სიმძლავრეს სთავაზობს და 0-დან 100 კმ/სთ-მდე 3,8 წამში აჩქარდება.

თურქეთში ასევე დებიუტს იხდის ბიზნეს-კლასის ელექტრული სედანი BYD HAN. მოხდენილი, სპორტული და აეროდინამიკურად ეფექტიანი BYD HAN აღმაფრთოვანებელი, მაღალი წარმადობის სრულწამყვანი ელექტრომობილის განსახიერებაა — ის 0-დან 100 კმ/სთ-მდე მხოლოდ 3,9 წამში აჩქარდება და ამავდროულად განსაკუთრებულ დახვეწილობას სთავაზობს. BYD-ის ელექტრომობილების მოდელური რიგი 2024 წელს კიდევ უფრო გაფართოვდება, რათა თურქეთში მომხმარებლებს კიდევ უფრო შთამაგონებელი არჩევანი შესთავაზოს.

BYD, რომელსაც ბატარეების კვლევასა და განვითარებაში 28 წელზე მეტი გამოცდილება აქვს, NEV-ების ერთადერთი მწარმოებელია, რომელმაც საკუთარი ძალური აგრეგატის სისტემები შექმნა — კვების ბატარეების, ელექტროძრავებისა და ძრავის კონტროლერების სისტემების ჩათვლით. რევოლუციური, კობალტისგან თავისუფალი Blade ბატარეა უსაფრთხოებას, გამძლეობას, ეფექტიანობასა და წარმადობას განსაკუთრებულად მაღალ დონეზე აჰყავს.

Brian Yang-მა, BYD Europe-ის გენერალური მენეჯერის თანაშემწემ, განაცხადა: „BYD ბატარეების განვითარებაში მრავალწლიანი გამოცდილებით არის ცნობილი, რამაც გადამწყვეტი როლი ითამაშა კომპანიის მსოფლიოში წამყვან NEV მწარმოებლად ჩამოყალიბებაში. აღფრთოვანებულნი ვართ, რომ ევროპაში ელექტრომობილების გზას ვიწყებთ და ჩვენს ინოვაციურ პროდუქტებს თურქ მომხმარებლებს ვთავაზობთ. ATTO 3 შესანიშნავი პროდუქტია დასაწყისისთვის და ის ევროპის ელექტრომობილების ბევრ ბაზარზე უკვე ბესტსელერი გახდა. მხოლოდ 18 თვეში ჩვენ მსოფლიოს მასშტაბით მომხმარებლებს 500 000-ზე მეტი BYD ATTO 3 მივაწოდეთ. ასევე წარვადგენთ ორ შთამბეჭდავ სედანს — BYD SEAL-სა და BYD HAN-ს. BYD-ში ჩვენ ვალდებულებას ვიღებთ, ელექტრომობილობის პიონერული ტექნოლოგიების მეშვეობით მსოფლიოს ყველაზე ინოვაციური გადაწყვეტები შევთავაზოთ ნახშირბადის ემისიების შესამცირებლად.“

Brian YANG, BYD Europe-ის გენერალური მენეჯერის თანაშემწე, BYD-ის თურქეთში გამოსვლის ღონისძიებაზე სიტყვით გამოდის

İsmail Ergun-მა, BYD ALJ Turkey-ის გენერალურმა მენეჯერმა, განაცხადა: „BYD თურქეთში მომხმარებლებს სთავაზობს ინოვაციურ ტექნოლოგიებს, რომლებიც პრიორიტეტს უსაფრთხოებას, ეფექტიანობასა და წარმადობას ანიჭებს, მიმზიდველ დიზაინთან და სტანდარტული აღჭურვილობის მაღალ დონესთან ერთად. თანამედროვე და მრავალმხრივმა BYD ATTO 3-მა ბაზარზე უკვე ძლიერი შესვლა მოახდინა, და მალე BYD SEAL-სა და BYD HAN-ზე წინასწარი შეკვეთების მიღებას დავიწყებთ. ეს ავტომობილები ჩვენი განვითარებადი მრავალსეგმენტიანი მოდელური რიგის ნაწილია, რომელიც ცხოვრების სტილის სხვადასხვა მოთხოვნას პასუხობს.“

İsmail Ergun, BYD ALJ Turkey-ის გენერალური მენეჯერი, გამოსვლის ღონისძიებაზე სიტყვით გამოდის